Os Ancares: A serra esquecida
Os Ancares: A Serra esquecida. No ano 1968, o xornalista Enrique de Arce realizou unha expedición á serra dos Ancares para facer unha reportaxe sobre a situación dos seus habitantes, que vivían completamente illados e nunhas condicións máis propias da Idade Media que do século XX. As crónicas daquela viaxe e dos anos posteriores foron recollidas no libro “Os Ancares: a serra esquecida”. Este documental relata os acontecementos descritos nese libro, contando co testemuño dos protagonistas daquela expedición e dos veciños que viviron durante aqueles anos na serra dos Ancares.
