A Garda Civil impide a integración do Corpo de Axentes forestais no 112
Xa sabemos por qué non estamos plenamente integrados no 112, segundo o xerente do 112 na Comunidade de Madrid, o Sr. San Román di na Comisión de Presidencia, Xustiza e Interior: “evidentemente, non podemos incorporar nesa activación aos forestais se non é coa absoluta connivencia e autorización da Garda Civil. Noutras Comunidades si estades plenamente integrados, cómo o conseguistes”?.
Saúdos, César
Madrid
No Servizo de Emerxencias 112 atópanse integrados como recursos, numerosos colectivos que teñen un único fin, dar o mellor e máis rápido servizo aos cidadáns e bens da nosa Comunidade. Recursos sanitarios ou relativos á seguridade pública son exemplos evidentes.
Tamén participan medios dedicados á seguridade ambiental. E aquí é onde xorde a controversia. Aínda que poden cohabitar dentro do 112, a Policía Nacional ou Garda Civil coa Policía Municipal, cada un cos seus respectivos papeis, o que non parece posible é a presenza do Corpo de Axentes Forestais. Aínda que a experiencia demostrase que en numerosas ocasións acabe sendo este Corpo o que de forma indirecta solucione o problema segue sen estar presente como recurso no 112.
Desde fai xa máis de cinco anos vense reclamando por parte do colectivo e do propio Corpo de Axentes Forestais a integración como recurso no 112. Nin se entendía o porqué da negativa nin se nos daba explicación algunha. Hoxe, por fin, xa a coñecemos. É a propia Garda Civil, integrada no 112 para tarefas relacionadas co campo madrileño, a que ten que dar o visto e prace. E se despois de cinco anos seguimos igual é que a Garda Civil dixo que non.
O pasado 15 de marzo, na Comisión de Presidencia, Xustiza e Interior celebrada na Asemblea de Madrid, a deputada do PSM, Sra. Moya Nieto, preguntaba ao Xerente de Madrid 112, Sr. San Román Montero, nestes termos:
- Qué ocorre cos Axentes forestais?. Considérano vostedes un servizo de emerxencias ou non?. (…) O señor Granados considéraos un servizo de emerxencias e vostedes fan unhas declaracións dicindo que non, que non son servizo de emerxencia, a pesar de que a lexislación ratifica que ese corpo é un servizo público esencial que ten entre os seus labores a de auxiliar en caso de accidente catástrofe, calamidade pública, etcétera.
E o Sr. San Román contestaba:
- Rogaríalle, señora Moya, que me dixese cando dixen eu que considero que os forestais non son un servizo de emerxencia, porque creo que eu non o dixen en ningún momento, entre outras cousas porque non me corresponde a min esa valoración; non me corresponde a min dicir se os forestais son ou non un servizo de emerxencia, a min correspóndeme darlles a cobertura no 112 que eles necesiten. Efectivamente, así está a ser e, evidentemente, convidámoslles a incorporarse ao 112, pero o principal escollo que o propio equipo de forestais ten que salvar son, precisamente, os acordos coa Garda Civil. Actualmente, o 112 activa principalmente a Garda Civil nas zonas de campo ante os requirimentos dos veciños; evidentemente, non podemos incorporar nesa activación aos forestais se non é coa absoluta connivencia e autorización da Garda Civil.
Así pois, a natureza do servizo e a necesidade de prestalo en condicións está moi por debaixo daquel que o presta. APAF-Madrid expresa a súa máis enérxica protesta pública ante esta situación e esixe a inmediata integración do Corpo de Axentes Forestais no Servizo de Emerxencias Madrid 112, cumprindo, ademais, desta forma co compromiso adquirido polo Conselleiro de Presidencia, Francisco Granados.
O Estatuto de Autonomía de Madrid, a Lei da Asemblea da Comunidade de Madrid 1/2002, de creación do Corpo de Axentes Forestais, as funcións que estes exercen, as potestades que teñen, o monte e o medioambiente madrileño son atropelados porque é necesaria a absoluta connivencia e autorización da Garda Civil. Quén garda a quén?. A Garda Civil ao monte madrileño ou o monte madrileño á Garda Civil?.
Membros do Corpo de Axentes forestais e do Seprona coinciden a miúdo en actuacións. Na práctica totalidade dos casos aúnan os seus labores e suman co único fin de prestar o mellor servizo aos cidadáns. Debe seguir sendo así. Pero para iso, a actuación daqueles que gobernan e dirixen ambos colectivos debe ser pulcra e debe ter un referente único, o medioambiente madrileño.
A Asociación Profesional de Axentes Forestais entende que os protagonismos corporativos están fóra de lugar, máis aínda nun servizo de emerxencias. APAF-Madrid pregúntase agora por determinadas cuestións que os Axentes forestais veñen padecendo nos últimos anos como as denuncias recibidas polo uso de rotativos policiais perfectamente acordes ás nosas funcións ou as denuncias tamén recibidas desde o mesmo lugar polo uso de aparellos de comunicación ao conducir, acordes coas nosas potestades.
Unha última pregunta subxace á contestación do Xerente do 112, á grave información difundida na Asemblea de Madrid. Por qué a Lei de Medidas Urxentes de 2007 que impedía aos Axentes forestais entrar en leiras privadas non afectaba á Garda Civil?. Se o principio xurídico aducido como amparo desa Lei era a defensa do privado, por qué un colectivo non e o outro sí. É certo que a Comunidade non ten competencia normativa sobre a Garda Civil, pero polo mesmo, ese principio xurídico que se alegaba quedaba en nada. Deben saber que as potestades e funcións de ambos colectivos son semellantes respecto dese punto.
Segundo reza a publicidade, a Comunidade de Madrid e por tanto os servizos que presta, é a suma de todos. Non excluamos a ningún colectivo por intereses corporativos e menos aínda a aqueles que están encomendados e capacitados mellor que ninguén para protexer o monte madrileño.
{xtypo_feed}Apaf-Madrid{/xtypo_feed}
