Alegacións de CCOO ó borrador de orde sobre concurso de traslados

 

1ª páxina 2º parágrafo.- Na 4ª liña aparece “…Lei 2/00, do…” debe dicir “…Lei 2/2000, do…” e tamén a maiores “…e modificada pola Lei 15/2006, de 27 de decembro”.
 
BASE I.5
 
A referencia a que só se poderá solicitar unha localidade nas resultas non ten o mesmo sentido en corpos xerais que no caso dos Axentes Forestais e Medioambientais, pois debido á atomización da distritbución das prazas por toda Galicia fai que nunha localidade se concentren moi poucos postos en RPT, e polo tanto é menor a posibilidade de optar ás prazas que resulten vacantes da resolución do concurso. Unha solución podería ser a apertura neste apartado dun aumento das localidades a solicitar ata un número de tres, ou cando menos a posibilidade de abrir o ámbito territorial da localidade ó Distrito, ou comarca e limítrofes.

 

 

BASE II.2

Solicítase unha corrección no segundo parágrafo mudando “14” por “12”.

BASE II.4.1

O primeiro dos casos de cursos que se sinalan non encadra coas escalas ás que se dirixe esta orde. Propoñemos que a redacción deste apartado sexa no sentido do seguinte:

 
  • Cursos relacionados coa categoría e co ámbito de actuación das escalas de Axentes Forestais e Axentes Facultativos Medioambientais e en concreto coas áreas de conservación da natureza, espazos protexidos, tomas de mostras, aproveitamento dos recursos naturais, forestais, cinexéticos e piscícolas de augas continentais, montes, pragas forestais e os relacionados cos incendios forestais.
  • Cursos de procedemento administrativo e de seguranza e saúde laboral para todos os postos.
  • Cursos de informática: internet, correo electrónico, aplicacións ofimáticas:
    office, word, power point, excel, access, así como aplicacións técnicas sobre manexo de GPS e sistemas de información xeográfica : Arcview, OziExplorer, ou similares.

Corrixir eliminando a expresión “…tanto…” do parágrafo 12º.

BASE II.5

Falta recoller a puntuación máxima deste apartado.

BASE II.6

Non aparece. Por erro ou omisión salta da Base II.5 á Base II.7. Como tamén falta a baremación de pertenza a determinados grupos propoñemos, seguindo a liña doutros concursos, a introducción do seguinte texto:

II.6. Polo grupo a que pertence o/a funcionario/a e desde o que participa no concurso outorgaranse os seguintes puntos:
Por pertencer ao grupo C1 (antigo C): 3 puntos.
Por pertencer ao grupo C2 (antigo D): 2 puntos.

BASE IV.1.2. 2º parágrafo

“- Servizos centrais: secretario xeral….” parece un erro de transcrición pois non existe ningunha praza con localización en Servizos centrais, polo que débese corrixir este aspecto.

A Coruña, 11 de decembro de 2008

Asdo.: Alejandro Rodríguez Pazos

 
 
 
 
 
SUBDIRECCIÓN XERAL DE PROVISIÓN DE POSTOS DE TRABALLO E SELECCIÓN DE PERSOAL
DIRECCIÓN XERAL DE FUNCIÓN PÚBLICA
San Caetano – Santiago de Compostela {jcomments off}

Comparte isto!:

Este sitio web emprega cookies para que vostede teña a mellor experiencia de usuario. Si continúa navegando está dando o seu consentimento para a aceptación das mencionadas cookies e a aceptación da nosa política de cookies, pinche na ligazón para máis información.plugin cookies

ACEPTAR
Aviso de cookies