Avaliación do parque nacional das Illas Atlánticas

 

O 17 de xuño de 2009 fíxose a toma de datos para a avaliación do Parque Nacional das Illas Atlánticas para o que asisten unha técnica da mutua e dúas delegadas de prevención da CIG.
 
Avaliación das oficinas do Parque Nacional sitas no Centro Tecnolóxico do Mar (Bouzas).
Hai que ter en conta que este persoal foi transferido do Estado á Xunta e que as súas prazas aínda non se reflectiron nas RPTS da Consellería de Medio Rural, evidentemente teñen para o Goberno Galego menos apuro ca os Xefes Territoriais.
O Persoal propio do parque Nacional é 1 director e 1 directora adxunta, 2 técnicas, 6 persoas de administración, 1 conductor, 6 guías, 8 axentes, 2 persoas de mantemento das instalacións.O resto do persoal que traballa no Parque é de Trasga e tamén  hai 4 vixiantes de Costas.
O persoal do Parque ten dotación de roupa corporativa do OOAA Parques Nacionales que cambia cada ano sen organización nin adaptación ao medio nin as tarefas que realizan.

A oficina principal, situada dentro do edifico do Centro Tecnolóxico do Mar esta deseñada para ser laboratorio polo que cables e ficheiros, carpetas e caixas están no chan. Unha caixa grande(3x2m) apoiada nunha parede  sen ningún tipo fixación e unha fenda no teito onde o aparello de aire acondicionado súmanse a problemas na calefacción e  mal olor dos desaugues.
Na planta superior do edificio hai dous despachos e un pequeno almacén adiadas a dirección e na planta baixa comparten espacio co CEMA onde se apiñan caixas en palés co material que despois reparten conductores e guías.

Avaliación das Illas que conforman o Parque Nacional Illas Atlánticas (Só se visita Cíes):

As instalacións do persoal das illas Cíes están formadas por varias casas é un centro de interpretación.
Hai que destacar os graves problemas de humidade que presentan tódalas casas, con ventás mal illadas, desconchóns e mal cheiro,  falta de calefacción,  falta de espacio, escasean armarios e taquillas, mala ventilación, os  baños son compartidos e algún  no exterior das vivendas, espacios pequenos…

A instalación eléctrica é  deficiente e que ten cables a vista en tódalas casas.

As instalacións adicadas a almacéns ou talleres de ferramentas tamén presentan o mesmo aspecto cas vivendas, con falta de espacio para gardar ás ferramentas e o material de traballo e con escasas medidas de seguridade.

Embarcacións sen avaliación de riscos. No embarcadoiro realízanse tarefas de carga e descarga onde o espacio é moi reducido e apenas poden manobrar co tractor. As escadas e o  embarcadoiro carecen de varanda co evidente risco de caídas

A singularidade do persoal que traballa nas illas e o mal estado xeral que teñen as instalacións onde non so permanecen mentres traballan senón viven durante o período de quendas fai que o traballo nas illas sexa duro i é entón necesario que se realice unha boa avaliación dos riscos sicosociais aos que están expostos/as (insularidade, a relación cos compañeiros e empresas e a dificultade de conciliar a vida laboral coa familiar).
Cando as delegadas da CIG destacamos a importancia de que a técnica da MUTUA que esta a facer a avaliación recollera os cuadrantes dos axentes e guías di que os horarios non teñen importancia.

Esta visita realízase nunha soa mañá xunto coa do Centro de Bouzas polo que o tempo foi moi limitado. Dado que o Parque se conforma  de varias illas e non so son as Cíes débense visitar as instalacións das outras illas e ver  as condicións de traballo nas que esta o persoal, destacando que en Sálvora tan sequera teñen instalacións.
Unha vez máis coincide que o día no que se van a avaliar centros desta Consellería hai pouco persoal, neste caso porque é o cambio de quenda, situación máis que previsible.
E, unha vez máis, a MUTUA GALLEGA non entrega as enquisas ao persoal.

 
 
Ana Isabel Couto Maquieira
Zeltia Burgos Tortosa
Delegadas de prevención da CIG

Comparte isto!:

Este sitio web emprega cookies para que vostede teña a mellor experiencia de usuario. Si continúa navegando está dando o seu consentimento para a aceptación das mencionadas cookies e a aceptación da nosa política de cookies, pinche na ligazón para máis información.plugin cookies

ACEPTAR
Aviso de cookies