Concurso de traslados – relacións definitivas

Resolución do 4 de xuño de 2009, da Dirección Xeral da Función Pública, pola que se aproba a relación definitiva de admitidos e excluídos do concurso 01/2009 para a provisión de postos de traballo vacantes nas escalas de axentes forestais e axentes facultativos ambientais da Xunta de Galicia, convocado pola Orde do 11 de febreiro de 2009.

Publicadas por Resolución do 5 maio de 2009 (DOG nº 89, do 8 de maio) as relacións provisionais de admitidos e excluídos no concurso 01/2009 para a provisión de postos de traballo vacantes nas escalas de axentes forestais e axentes facultativos ambientais da Xunta de Galicia, convocado pola Orde do 11 de febreiro de 2009 e transcorrido o prazo que se establece nela para presentar as correspondentes alegacións, unha vez examinadas estas, esta dirección xeral

Primeiro.- Elevar a definitivas as relacións de solicitantes admitidos e excluídos no concurso 01/2009.

Segundo.- Publicar a relación definitiva de excluídos como anexo desta resolución.

Terceiro.- A lista de solicitantes admitidos estará exposta nos taboleiros de anuncios da Consellería de Presidencia, Administracións Públicas e Xustiza, nos das súas delegacións provinciais, no Servizo de Información Administrativa e Atención ao Cidadán en Santiago de Compostela, no Servizo de Información dos edificios a administrativos da Xunta de Galicia en Vigo e Ferrol, nas oficinas comarcais da Xunta de Galicia e tamén poderá consultarse a través da páxina web oficial da Xunta de Galicia (www.xunta.es).

Contra esta resolución, que lle pon fin á vía administrativa, poderase interpoñer recurso potestativo de reposición, ante a conselleira de Facenda, no prazo dun mes contado desde o día seguinte ao da súa publicación no Diario Oficial de Galicia, de conformidade co establecido na Lei 30/1992, do 26 de novembro, ou poderase impugnar directamente ante o Xulgado do Contencioso-Administrativo de Santiago de
Compostela, no prazo de dous meses contados desde a mesma data, segundo a Lei 29/1998, do 13 de xullo.

Santiago de Compostela, 4 de xuño de 2009.

José María Barreiro Díaz
Director xeral da Función Pública

Concurso Trl.: F0109
Axentes forestais e facultativos ambientais

Relación provisoria de excluídos

1º apelido	2º apelido	Nome	NIF	Motivo da exclusión
Burgos	Tortosa	Zeltia		73
Trashorras	Reija	Marcos		10

Causas da exclusión

Cód.	Causa da exclusión
10	Solicitude fóra de prazo ou sen rexistro de entrada
73	Non presenta copia da solicitude do condicionado