Críticas no foro de Apropiga
Sendo coñecedores nesta Asociación das manifestacións vertidas no foro público de APROPIGA, no fío co título “GRACIAS AXENTES”, da actuación dalgún dos nosos compañeiros de profesión e asociados onde se recollía o seu nome e apelidos, vémonos na obriga de efectuar unha serie de puntualizacións.
- Os Axentes Forestais e Medioambientais realizamos as nosas funcións dacordo coas competencias que nos outorga a normativa que nos regula.
- No exercicio do anterior, efectivamente pode ser que haxa que tomar decisións que interesan ó noso traballo pero que non son compartidas por algúns dos traballadores do sector forestal que non desempeñan as mesmas funcións que nós, xa que as nosas están totalmente definidas.
- As actividades dos funcionarios da Escala de Axentes Forestais e Medioambientais ás veces colisionan cos intereses doutros sectores que poden ser denunciadas ou fronte ás que se poden opoñer; non obstante o anterior, en ningún caso como Asociación podemos permanecer inoperantes ante manifestacións que constituen calumnias ou inxurias vertidas en espazos públicos e que afectan en gran medida ao prestixio e labor e por extensión ao resto do colectivo.
Polo anterior e ante os posibles danos que se fixeran ou poidan nun futuro causar aos compañeiros obxecto de calumnia ou inxuria queremos manifestar a nosa frontal oposición a este tipo de actuación, o noso apoio aos compañeiros e asociados e a reserva de futuras actuacións que se poidan derivar deste feito ante os oportunos tribunais.
Pontevedra, 17 de setembro de 2008.
O Presidente de APRAFOGA
Miguel García Fernández {jcomments off}
