Plataforma Sindical de Axentes Forestais e Medioambientais de Galicia
REUNIÓN NEGOCIACIÓN SINDICATOS – CONSELLERÍA DE MEDIO RURAL
O día 10 de xullo tivo lugar unha nova reunión entre a Consellería de Medio Rural e as organizacións sindicais que forman parte desta Plataforma, é dicir CCOO, CSIF e UGT. Tamén asistiu a CIG.
Nesta ocasión os representantes de Medio Rural viñeron ofrecendo o mesmo que na anterior e contando como única novidade cales poderían ser os conceptos nos que repartir a subida ofrecida en principio como un 3,5 – 4 % da masa salarial.
Así, a oferta quédase en: subida de niveis ós 23 postos de inspectores provinciais e subinspectores de Distrito e que conformarían a nova estructura, a subida ó nivel 16 ós axentes de nivel 14 e o resto a repartir en distintas porcentaxes entre complemento específico e productividade.
A Plataforma sindical rexeitou a oferta como xa fixera na anterior reunión por considerala escasa, inconcreta e rebaixar o plantel de persoal para a creación de prazas para a nova estructura, e insistimos nas demandas feitas o día 1 de xullo que son:
- Nivel mínimo 18
- Aumento de complemento específico e de productividade ata acadar unha suba do 10 % da masa salarial
- Aumento de plantilla
- Curso habilitante de grupo C inmediato e convocatoria do seguinte proceso de integración
Por outra banda a Cig manifestou estar de acordo coa nova estructura e levantouse da mesa.
