O goberno recoñece que os vehículos dos Axentes forestais son vehículos policiais

Desde a Coordinadora Estatal de Axentes Forestais da  UXT infórmannos que o Goberno do Estado iniciou a tramitación dun Proxecto de Orde Ministerial de modificación dos Anexos correspondentes do Regulamento Xeral de Vehículos, para aclarar que os vehículos oficiais dos Axentes Forestais e Ambientais deberán utilizar o sinal V-1 “Vehículo prioritario” de cor azul.

A tramitación de dita Orde levará un prazo duns 4 ou 5 meses, segundo informan desde o Ministerio do Interior.

Ata que se aprobe a modificación normativa citada, vaise a utilizar un criterio interpretativo amplo para que os vehículos oficiais dos Axentes Forestais e Ambientais, debidamente autorizados pola Dirección Xeral de Tráfico, continúen utilizando o sinal V-1 “Vehículo prioritario” de cor azul. A tal fin, a Secretaría Xeral Técnica do Ministerio do Interior elaborou un informe do que destacamos o último parágrafo:

“…Por iso, mentres se aproba esta nova normativa, debe realizarse unha interpretación ampla da referida Orde, no sentido de considerar que os vehículos que tradicionalmente veñen empregando os dispositivos luminosos de cor azul, así como os que foron expresamente autorizados pola DXT, adecúanse ao previsto na vixente normativa, e non deberían ser obxecto de sanción por iso…”

 

{xtypo_feed}Documento{/xtypo_feed}

Comparte isto!:

Este sitio web emprega cookies para que vostede teña a mellor experiencia de usuario. Si continúa navegando está dando o seu consentimento para a aceptación das mencionadas cookies e a aceptación da nosa política de cookies, pinche na ligazón para máis información.plugin cookies

ACEPTAR
Aviso de cookies