Resumo das xuntanzas sindicais por Distritos

En datas recentes celebráronse en varios Distritos xuntanzas organizadas polos sindicatos UXT, CIG, CC.OO e CSIF, para debatir a actual situación do colectivo de Axentes forestais e medioambientais, tratando de recabar e aportar información ó respecto, así como propostas que se deberan levar acabo, entre outras.

A continuación, resumo en detalle e por Distritos as devanditas propostas, que foron realizadas tanto polos Axentes que acudiron ás xuntanzas como polos sindicatos convocantes.

Distrito I

  • Definición de funcións, a través dun novo Regulamento.
  • Creación dun cadro de enfermidades profesionais (eu creo que neste punto tamén se debería de incluir protocolos de protección para as mulleres embarazadas e en situación de lactación natural. Pero esto é só unha nota miña, non se falou en Ferrol).*
  • En época de máximo risco adicarnos prioritariamente a incedios, ou incluso unicamente a incendios, dependendo do IRDI.
  • Regulación concreta da asignación dos efectivos de conservación a incendios.
  • Protocolos de actuación únicos para todos os procedementos e para todos os Ditritos iguais.
  • Pedir oficina fóra do Distrito.
  • Petición dos rotativos nos vehículos e máis medios (prismáticos,…).
  • Facer folga de celo: colapsar co traballo (esto o propuxo unha persoa).* Requerir ó técnico en todos os incendios de nivel 1.
  • Creación dunha estructura (ainda que este punto ó final non quedou moi claro, xa que se poñían problemas porque ó final quén vai os incendios?).*

Distrito II

  • Que se denuncie o incumplimento dos horarios conforme o disposto no Acordo e que fagan horarios que sexan tal cual establece o propio Acordo.
  • Novo Regulamento: descripción de funcións.
  • Xa que non nos van a pagar máis, axustar o que traballamos ó que cobramos.
  • Non acudir á Mesa de negociación, si os interlocutores non son os válidos para negociar.
  • Non pasar os informes de investigación a outros organismos, enviálos directamente á Fiscalía.
  • Proceso de integración para abril de 2013.
  • Protocolos de actuación comúns para toda Galicia.
  • Responsabilidade clara do xefe de extinción.
  • Período de vacacións xullo, agosto e setembro (esto eu non o entedín ben, igual o collín mal).*

Distrito III

  • Necesidade dun curso de inicio para o acceso ó posto despois do ingreso, que podería ser na AGASP.
  • Facer especialidades e cursos de formación e acceso para os postos de nivel.
  • Traballar en parellas.
  • Cobertura de vacantes.
  • Aumentar o ratio de vacacións no verán.
  • Cumplir os horarios como establece o Acordo de traballo, unha semana de tarde ou de noite cada cinco semanas, en horario ordinario.

Distrito V

  • Facer un escrito dirixido ós Conselleiros de ambas Consellerías (Medio Rural e MATI).
  • Cursos de formación (formación en protocolos de actuación únicos para toda Galicia). Creación dun período de formación previo á execución de funcións.
  • Relación de competencias e encaixar éstas cunha estrutura orgánica.
  • Memoria de traballos anual.
  • Presentación en powerpoint con esquemas das funcións e fotos.
  • Recoñecemento público, por parte das Consellerías, da labor dos Axentes forestais.
  • Realización de asambleas polos Distritos.

* Nota dos sindicalistas.

Non hai máis información porque carezo dela.

Comparte isto!:

Este sitio web emprega cookies para que vostede teña a mellor experiencia de usuario. Si continúa navegando está dando o seu consentimento para a aceptación das mencionadas cookies e a aceptación da nosa política de cookies, pinche na ligazón para máis información.plugin cookies

ACEPTAR
Aviso de cookies