REUNIÓN DE MEMBROS DA XUNTA DIRECTIVA CO DIRECTOR XERAL DE CONSERVACIÓN DA NATUREZA
A reunión celebrouse o pasado día 25 de xuño na Dirección Xeral de Conservación da Natureza
nun ambiente moi distindido no que ademais do Director participou tamén o Subdirector de Biodiversidade.
Sen entrar en profundidade comentáronse os temas seguintes:
1.- Qué é APRAFOGA, como ente apolítico e representativo dun grupo de profesionais concretos que pretende
ter unha relación fluída cos representantes da Administración e cos axentes sociais.
Neste senso o Director Xeral manifestou o seu desexo de ter unha relación constante coa asociación para tratar
tódolos temas que afecten ao noso colectivo.
2.- A proposta do novo regulamento para a escala de Axentes Facultativos Medioambientais.
Os representantes da Asociación, en consonancia co que defenden os representantes sindicais, informaron da proposta
de regulamento que ten o colectivo, ao que se engadiu a necesidade de que o colectivo teña unha única dependencia
funcional e unha estructura xerarquica que pasa por ter uns mandos a nivel provincial e a nivel autonómico.
Neste sentido, sen entrar en moitos detalles, manifestaron a necesidade de estudar tódalas opcións emprazándonos a
futuros encontros a medida que avancen os traballos na mesa de negociación.
3.- A problemática cos vixiantes de recursos. Reiteramos as niosas queixas neste asunto e que a asociación ten aprobado
en asemblea en acudir, se é preciso, a vía xudicial para obter un pronunciamento da xurisdicción ordinaria, aínda
que entre todos deberíamos achar unha solución para non esgotar esa posibilidade. Así mesmo recordamos o valor das
denuncias de dito persoal laboral, así coma cal debería ser a súa función e dependencia.
Responderon que son conscientes de certa problemática en algúns Distritos e emprazámonos a obter información de detalle
a nivel de provincias e distritos para valorar a situación a primeiros de outubro e tomar decisións ao respecto.
