Esta reunión foi exclusivamente para trata-lo tema de horarios, dado o desbaraxuste que se orixinou dende a propia Consellería. Tampouco faltou tensión neste debate.
Quedaron fixados de xeito que cumpliran o acordo: un fin de semán de garda cada catro en cómputo anual, unha semana nocturna en cada periodo de seis semanas, libranza posterior a unha garda en festivo (coa particularidade de que cando un festivo cae por semana, e esa semana cadra en horario tarde-noite, librarase ó luns seguinte -para non ter que alterar turnos a outros axentes-), reagrupación de gardas en semana santa, para que o 50% dos axentes poidan disfrutar dos festivos unidos ó fin de semana, ter dereito a como mínimo 48 horas continuadas de libranza cada semana, etc.
O modelo, igual para tódolos Distritos de Galicia, e nos que se integrarán os Axentes de Conservación, quedouse en remitir, por parte da Consellería, a tódolos Distritos o día 23 de decembro, para que se axusten a él.
No vindeiro mes de xaneiro, ou principios de febreiro, manterase unha nova reunión da Comisión de seguimento, para evaluar os posibles problemas xurdidos como consecuencia da aplicación dos horarios, e, se é o caso, corrixilos, pero sempre cumplindo o acordo pactado.
