Solicitude de xuntanza para a convocatoria de acceso ó grupo C

 

José Francisco Núñez, Secretario nacional sector autonómica da federación de aervizos públicos de UGT Galicia.
 
Ó amparo do disposto no artigo 20 da Lei 4/1998, do 26 de maio, da función pública de Galicia, dentro do corpo de axudantes facultativos da Xunta, grupo C, créase a escala de Axente facultativos medioambientais da Xunta de Galicia, segundo a Lei 2/2000, do 21 de decembro.
 
A disposición transitoria única da Lei 2/2000, establece que o persoal funcionario de carreira pertencente á escala de Axentes forestais do corpo de auxiliares facultativos da Xunta de Galicia, poderán integrarse na nova escala mediante a convocatoria, como máximo de dous procesos selectivos.
 
A Lei 15/2006, do 27 de decembro, pola que se modifica a Lei 2/2000, do 21 de decembro, pola que se crea a escala de Axentes facultativos medioambientais da Xunta de Galicia, establece na súa disposición transitoria primeira, que a Xunta de Galicia convocará un máximo de dous procesos selectivos de promoción que lle permita acceder á escala de Axentes facultativos medioambientais ó persoal que, sendo funcionario nese momento, os supere, e establece como límite temporal para esta convocatoria por este sistema o 01 de xullo de 2009.
 
Por todo isto SOLICITAMOS que, co obxecto de cumprir os prazos legalmente establecidos, coa maior brevidade posible se convoque á nosa OO.SS. para a negociación das bases da convocatoria para o proceso selectivo para o paso da escala de Axentes forestais, grupo C2, á escala de Axentes facultativos medioambientais, grupo C1.
 
 
 
Santiago de Compostela, 12 de maio de 2009
 
 
 
 
 
José Francisco Núñez Rodríguez
Sº Nacional FSP-UGT Galicia
 
 
 
DIRECCIÓN XERAL DA FUNCIÓN PÚBLICA
CONSELLERÍA DE FACENDA
Edificio administrativo de San Caetano
Santiago de Compostela
Comparte isto!:

Este sitio web emprega cookies para que vostede teña a mellor experiencia de usuario. Si continúa navegando está dando o seu consentimento para a aceptación das mencionadas cookies e a aceptación da nosa política de cookies, pinche na ligazón para máis información.plugin cookies

ACEPTAR
Aviso de cookies