Como consecuencia desta xuntanza remitíuselle á Consellería o seguinte escrito:
“Tra-la sinatura do Acordo sobre condicións de traballo e carreira profesional do persoal da escala de Axentes Forestais” o 24 de xuño deste ano, e tendo en conta que na data actual aínda non foron convocadas as Organizacións Sindicais asinantes para a constitución da comisión de seguimento do acordo prevista no seu apartado 9, e dado o relevante dos temas pendentes de execución, consideramos que é necesaria a súa urxente convocatoria para someter á consideración da parte social o relativo á tramitación dos seguintes apartados:
– Modificación da Lei 2/2000
– Decreto de integración na Escala de Axentes Facultativos Medioambientais.
– Regulamento da escala de Axentes Facultativos Medioambientais.
– Convocatoria do proceso selectivo de acceso ó grupo C.
– Proceso de integración nos Distritos Medioambientais.
Asemade ó concernente ó desenvomento dos seguintes puntos previstos no acordo:
– Convocatorias de cursos de formación e perfeccionamento da escala.
– Estudo de prevención de riscos laborais e melloras das condicións de traballo.
– Adecuación do modelo de cadrantes horarios previstos como anexo ó acordo.
Estimamos necesario ademáis tratar as seguintes cuestións, por consideralas transcendentais para o colectivo:
– Concurso de traslados.
– Identificación, uniformidade e dotación de medios.
– Borrador do Anteproxecto da Lei de Montes de Galicia.
