O pasado día 15 mantivemos unha reunión con Función Pública para tentar que aclarasen varios aspectos relacionados co colectivo de Axentes Forestais e Axentes Medioambientais dos que pasamos a informar:
– Concurso de traslados: convocarán dentro do 1º semestre deste ano un concurso para tódolos corpos especiais. Os que pasaron ó grupo C non poderán participar no mesmo ó non levar dous anos nun novo posto.
– Toma de posesión provisional para os que superaron a última oposición: seranlles ofertadas o 100% das prazas vacantes, pois segundo F.P. esta situación xa se deu noutros colectivos incluso de corpos especiais, e a pesar dos argumentos expostos e das posibles disfuncións que isto puidese conlevar ó ofertar prazas de niveis superiores non están pola modificación de criterios para ningún caso.
– Curso habilitante para o grupo C e próxima convocatoria de integración: recolleron as peticións de realización dun novo curso no prazo máis curto posible polo que poñerán en contacto coas consellerías para organizalo e que barallaban facelo por teleformación, e a convocatoria neste ano da 2ª fase de integración incluíndoa na O.P.E deste ano.
– Afectados pola antiga Lei de Función Pública: ó completarse as tres oportunidades pasarán os afectados a persoal laboral fixo e que tratarán de ofertarlles praza na mesma localidade que están a ocupar actualmente e que despois non poderán volver a moverse desa praza nunca máis (sic).
– Afectados pola disposición adicional 16ª da nova Lei de Función Pública: estase en plenas negociacións deste asunto, polo que remítennos ó resultado das mesmas.
