XUNTANZA DIRECCIÓN XERAL FUNCIÓN PÚBLICA – SINDICATOS (18-02-08)
O día 18 de febreiro, previa petición sindical, celebrouse unha xuntanza na Dirección Xeral de Función Pública, para proceder ó reparto do 10% da masa salarial correspondente ó persoal funcionario e laboral, como consecuencia do establecido no acordo retributivo, asinado no ano 2006, para o conxunto do persoal funcionario e laboral da Xunta de Galicia.
Este 10% pendente de repartir no presente exercicio ascende a un total de 1.016.933 euros, distribuídos en 619.287 euros para o persoal funcionario e 397.646 euros, para o persoal laboral.
A Administración plantexa unha hipótese de reparto do seguinte xeito:
- a parte correspondente ó persoal funcionario destinaríase a pagar a equiparación de niveis servicios periféricos/servicios centrais, pendentes de homologar no anterior acordo por falla de dotación orzamentaria suficiente.
- a parte correspondente ó persoal laboral destinaríase para pagar o complemento de funcións do persoal laboral o que a Administración excluíu, unilateralmente no se día.
Desde CCOO plantexamos as seguintes opcións alternativas de reparto, e por este orde de preferencia:
Opción A:
- No caso do persoal funcionario para iniciar un acordo de mellora dos trienios tomando como cantidade de referencia a correspondente o Grupo A.
- No caso do persoal laboral para mellorar o valor actual do trienio único, que desde o ano 94 non tivo ningunha mellora, mais aló da suba anual do IPC previsto.
Esta opción foi apoiada por tódalas organizacións sindicais presentes.
Opción B:
- Proceder a un reparto lineal e xeneralizado entre todo o persoal funcionario e laboral como unha parte mais de recuperación do poder adquisitivo perdido nos anos anteriores o acordo.
Opción C: tal como establece o acordo:
- No caso do persoal funcionario, para mellorar os complementos específicos en función das circunstancias do posto, empezando polos postos que corresponden os rexistros, a atención directa o público, ou pertencen a servicios de atención os cidadás.
- No caso do persoal laboral para incrementar o valor do actual complemento de turnicidade e xornada partida (especial adicación).
A administración tomou nota e quedou de convocar unha nova xuntanza para proceder o seu reparto en función da opción que se acorde.
ACCIÓN SINDICAL
SECTOR ADMÓN. AUTONÓMICA de CCOO de Galicia{jcomments off}
