Alegacións da CSIF ó borrador da convocatoria do proceso de promoción ó Grupo C

 

Alegacións ao texto do borrador da convocatoria do proceso de promoción á escala de axentes facultativos medioambientais da Administración da Xunta de Galicia, dos funcionarios/as do corpo de auxiliares técnicos da Xunta de Galicia, escala de axentes forestais.
 
Co obxectivo de garantir unha igualdade de condicións entre o actual proceso de promoción e o convocado no ano 2005, dende CSIF preséntanse as seguintes alegacións:
 
  • Dado que na promoción convocada no ano 2005 a fase de concurso mostrouse totalmente ineficaz, propoñemos que se elimine e que o procedemento sexa o de oposición.
  • Eliminar a base I.2.3. Capacidade funcional.
  • Eliminar na base II.1.1.1. o texto “Para iso terase en conta que por cada tres respostas incorrectas descontarase unha correcta”.
  • Eliminar a base II.2. Fase de concurso.
  • Modificar a base II.3. por non realizarse fase de concurso e eliminando o segundo parágrafo.
  • Eliminar o apartado C) certificado médico oficial, da base IV.2.
  • Eliminar da base IV.4. o texto “na cal se indicará o destino adxudicado de acordo coa puntuación obtida nos exercicios da oposición”.
  • Incluirase unha nova base IV.4.bis, co seguinte texto “Os funcionarios nomeados seguirán prestando servizos nos postos de traballo que estivesen ocupando con carácter definitivo. No suposto de que existan opositores que desempeñen postos con carácter non definitivo, ofertaránselle as correspondentes vacantes”.
  • No anexo I “Temario” eliminar a parte común e o tema 19.
 
 
Santiago de Compostela, 10 de xuño de 2009
 
 
 
CSIF

Comparte isto!:

Este sitio web emprega cookies para que vostede teña a mellor experiencia de usuario. Si continúa navegando está dando o seu consentimento para a aceptación das mencionadas cookies e a aceptación da nosa política de cookies, pinche na ligazón para máis información.plugin cookies

ACEPTAR
Aviso de cookies